5 خطوات لحياة صحية افضل

اغلبية البنات او النساء يطمحون لاجسام رشيقة و خصوصا في العصر الحالي عصر "السوشال ميديا " و وضعوا  مقايس جمال محددة و مع اني انا ضد الفكرة دي  و حنتكلم عنها في مقالات اخري . بس  اني اكون بصحة جيدة دة كان هدفي فقررت اكتبلكوا خطوات ممكن تساعدني و تساعدكوا في الوصل لجسم متناسق و صحة جيدة 

• الخطوة الاولي و الاهم : 

الخطوة دي هي الاهم ما بين كل الخطوات و هي اننا نتوقف عن لوم النفس باستمرار مثلا انا كنت باكل بطريقة صحية و توقفت او اقف قدام المرايا  اقول انا عندي ترهلات او جسمي بقي وحش لاني عقلنا  بيصدق الكلام اللي احنا بنقولة بيحتفظ بية علي هيئة صور و لو احنا مش حنشوف نفسنا حلوين يبقي عمر ما شخص حيشوفك حلوة 

• الخطوة الثانية:

نسال نفسنا لية عايزين نغير اسلوب حياتنا ❓❓❓

ممكن علشان صحتنا او جسمنا يبقي احلي او عايزة البس فستان معين او اجري و العب مع اولادي من غير ما اتعب  او قدر اركز في شغلي اكتر لان العقل السليم في الجسم السليم   

• الخطوة الثالثة:  

الاستمرارية هي مفتاح النجاح لاي هدف في حياتنا سواء اننا نخس او نتعلم لغة او اي شي في الحياة لازم نستمر علية 

• الخطوة الرابعة:

تقسيم الهدف بتاعنا لاهداف صغيرة وواقعية مثلا انا حخس 20 كيلو في 5 شهور لكن مقدرش اقول انا حخس 20 كيلو في شهر 

• الخطوة الخامسة :

ننشي روتين صحي يومي و نبتدي بحاجات بسيطة مثلا اشرب مياة اول ما اصحي من النوم او نلعب رياضة بسيطة نكون بنحبها  او و نرقص .......

دول كانوا خمس خطوات علشان نبدا حياة  صحية و لسة فية مواضيع كتير نتكلم فيها علشان صحتنا تبقي احسن مش بس الصحة الجسدية كمان الصحة النفسية تبعونا لاني اللي جاي احلي بكتير 🧡🧡🧡🧡