الصيام المتقطع
كتير بنسمع اني مهم جدا وجبة الفطار علشان تعطي الجسم الطاقة اللزمة او اننا لازم ناكل من 4 الي 6 وجبات في اليوم علشان الدايت يبقي فعال و نخسر وزن و في الحقيقة اني الموضوع متعلق بعدد السعرات اللي بندخلها في جسمنا و ملهاش علاقة بعدد االوجبات علشان كدة النهاردة حنتكلم عن نظام الصيام المتقطع و هو ساعد ناس كتير في خسارة الوزن و كمان التخلص من المرض
السكري من الدرجة التانية علي المدي البعيد
يعني اية صيام متقطع :
الصيام المتقطع ببساطة هو اننا نوقف او نصوم عن الاكل "بس" لمدة 16 ساعة و ناكل لمدة 8 ساعات
اي ساعة ابتدي الصيام المتقطع ⸮⸮
اي ساعة تختريها علي حسب روتينك اليومي لو مثلا يومك بيبتدي من الساعة 6 الصبح لانك بتشتغلي او ام او اي سبب تاني ممكن تبتدي تاكلي الساعة 10 تاكلي اية دة اللي حنتكلم علية في النقطة الجاية و حتوقفي اكل الساعة 6 مساءا
حاكل اية في وقت 8 ساعات ⸮⸮
اجابة السوال دة كلي اي حاجة انتي عايزاها بس بطريقة متوازنة و شخصيا انا لا اومن بدايت يمنع عنصر من العناصر زي النشويات مثلا و في مقال قريب حشرح النشويات المفيدة و الدهون و البروتين و لكن "الاعتدال و التوازن " هو اهم شي
حعمل اية في ساعات الصيام :
احنا معتقدين اننا في ساعات الصيام مش حنشرب لا حنشرب اي مشروبات مفهاش سعرات حرارية مثلا شاي او قهوة او اعشاب مثلا قرفة ينسون جنزبيل شاي اخضر و اكيد و اهم حاجة "الماء" بدون اضافة "سكر او لبن او مبيض " من الممكن اضافة سكر صحي مثل "ستيفا"
و دة كان شرح الصيام المتقطع في المقال القادم حنتكلم علي فوائد الصيام المتقطع للجسم و اية اللي بيحصل لجسمنا في فترة الصيام
تعليقات
إرسال تعليق